Hafbotnsmælingar

Um rannsóknina

Hafbotnsmælingar fyrir Eyjagöng eru flókið verkefni sem krefst þess besta á hverju sviði: öruggs rannsóknarskips, jarðvísindamanna og háþróaðs mælingabúnaðar.

Til að tryggja hæstu gæði gagna og fyllsta öryggi höfum við fengið þrjá lykilaðila til samstarfs: Landhelgisgæsluna, ÍSOR (Íslenskar orkurannsóknir) og GEO Marine Survey Systems.

Saman mynda þessir aðilar mynda öflugt teymi þar sem hver hefur sínu mikilvæga hlutverki að gegna.

1. Landhelgisgæslan

Landhelgisgæslan leggur til mælingaskipið sjálft og sér um alla siglingastjórn og öryggi á sjó. Með því að nýta sérútbúið skip Gæslunnar (eins og sjómælingaskipið Baldur) tryggjum við stöðugan og traustan vettvang fyrir mælingarnar. Áhafnir Gæslunnar búa yfir þekkingu á íslenskum hafsvæðum og sjá um að sigla skipinu eftir mælingalínum.

2. ÍSOR: Jarðvísindin og gagnagrunnurinn

ÍSOR (Íslenskar orkurannsóknir) leiðir faglegu vinnuna þegar kemur að jarðfræði og úrvinnslu gagna. Sérfræðingar ÍSOR sjá um að fylgjast með gagnasöfnuninni. Þeir greina hljóðbylgjugögnin, lesa úr jarðlagaspegluninni og teikna upp myndina af því hvar fasti berggrunnurinn liggur. Þekking ÍSOR á íslenskri jarðsögu og neðansjávarjarðfræði er lykillinn að því að breyta hráum mælingum í hönnunargögn.

3. GEO Marine Survey Systems: Hátæknibúnaðurinn

Til að sjá í gegnum sjóinn og ofan í botninn þarf búnað í hæsta gæðaflokki. GEO Marine Survey Systems er leiðandi alþjóðlegt fyrirtæki sem sérhæfir sig í þróun og framleiðslu á ofurnákvæmum mælitækjum fyrir neðansjávarrannsóknir. Með þeim koma erlendir sérfræðingar sem kunna á hljóðendurvarpsmælinn, sem sendir hljóðbylgjur niður í gegnum botninn til að búa til hina fullkomnu „ómskoðun“ af berggrunninum.

Hvernig virkar samstarfið í praxís?

Ferlið á sjó er samstillt verkefni ólíkra aðila:

• Á dekkinu: Tæknimenn og skipshöfn Gæslunnar vinna ásamt starfsmönnum GEO Marine og ÍSOR aftur á skipinu.
• Á siglingu: Skipinu er siglt hægt og skipuleggja í nákvæmu neti yfir rannsóknarsvæðið. Tækin senda frá sér hljóðmerki sem endurkastast af hafsbotni og neðanjarðarlögum.
• Í tölvunum: Gögnin streyma í rauntíma inn í mælingatölvur skipsins þar sem sérfræðingar ÍSOR fylgjast með gæðunum.
• Í landi: Þegar siglingunni lýkur tekur ÍSOR gögnin til ítarlegrar úrvinnslu og býr til þau þrívíddarkort og jarðlagasnið sem hönnun Eyjaganga mun byggja á.

Þetta samstarf tryggir að verkefnið nýtur góðs af nýjustu alþjóðlegu mælingatækninni, íslenskri jarðvísindaþekkingu og öruggri skipstjórn Landhelgisgæslunnar.

Gangur rannsóknarinnar

Dagur	Mældar línur	Lengd lína
5. júlí 2026	4	30 km
14. júlí 2026	9	53,8 km
16. júlí 2026		35,6 km
17. júlí 2026		35,5 km
18. júlí 2026		45,3 km
19. júlí 2026		43,2 km
20. júlí 2026		36,1 km