Ánægjulegar heimsóknir ráðherra og forstjóri Vegagerðarinnar á borstæði Eyjaganga
Verkefnið í kringum Eyjagöng tók mikilvægt og ánægjulegt skref í dag þegar góðir gestir sóttu borstæði Eyjaganga heim í Vestmannaeyjum. Það var okkur mikill heiður að taka á móti Eyjólfi Ármannssyni, innviðaráðherra, fulltrúum frá innviðaráðuneytinu, ásamt Bergþóru Þorkelsdóttur forstjóra Vegagerðarinna og þeirra fólki.
Heimsóknirnar sýna þann mikla áhuga og stuðning sem verkefnið nýtur á æðstu stöðum, en Eyjagöng eru eitt af stærstu og mikilvægustu hagsmunamálum samfélagsins hér í Eyjum þegar litið er til framtíðar, öryggis og samganga.
Mikilvæg samvinna og skýr sýn
Á borstæðinu fengu gestirnir innsýn í stöðu mála, tæknilega útfærslu og næstu skref rannsókna. Lifandi og milliliðalausar umræður sem þessar eru dýrmætar fyrir framgang verkefnisins og tryggja að allir aðilar rói í sömu átt.
„Það er afar dýrmætt að finna fyrir þeim sýnda áhuga sem innviðaráðherra og yfirmenn samgöngumála sýna þessu stóra hagsmunamáli Íslands. Þessar heimsóknir gefa okkur aukinn kraft til að halda áfram af fullum þunga,“
Innilegar þakkir
Við færum Eyjólfi Ármannssyni innviðaráðherra, starfsfólki innviðaráðuneytisins og Bergþóru Þorkelsdóttur forstjóra Vegagerðarinnar okkar bestu þakkir fyrir komuna, gefandi samræður og sýndan stuðning. Við hlökkum til áframhaldandi farsæls samstarfs á komandi misserum.
